Mantense a tendencia á baixa na curva do coronavirus en Valdeorras. Neste domingo 13 de xuño a comarca rexistra 10 casos activos, 1 menos que onte, segundo os datos da Consellería de Sanidade.
No Barco contabilízanse 8 positivos, a mesma cifra de onte, cunha incidencia acumulada que para este concello que continúa en >10 e ≤25 a sete días; e de >50 e ≤150 a catorce días.
Vilamartín de Valdeorras baixa a 1 positivo, 1 menos que onte, mentres que Carballeda de Valdeorras mantén 1 positivo. O resto dos concellos da comarca seguen así mesmo libres de virus.
