Leve suba nos casos activos de coronavirus en Valdeorras, segundo os últimos datos feitos públicos pola Consellería de Sanidade (actualizados ás 18h. de onte). Así na comarca contabilízanse 93 positivos, o que supón 7 máis que os comunicados o mércores.
Os concellos nos que se rexistran subidas son O Barco con 51 positivos (2 máis que o mércores), O Bolo con 2 positivos (1 máis que o mércores) e A Rúa con 26 positivos (4 máis que o mércores).
O resto de municipios da comarca presentan os mesmos datos que o pasado mércores: Carballeda 2 positivos, Rubiá 5 positivos, A Veiga 1 positivo e Vilamartín 6 positivos. Ademais, Larouco e Petín continúan libres de virus.
No referente ás hospitalizacións, o Hospital Público de Valdeorras rexistra 6 ingresos en planta por coronavirus, o que supón 1 máis que o pasado mércores, segundo Sanidade.
