Leve descenso no total de casos activos rexistrados nesta xornada en Valdeorras. Segundo os datos comunicados hoxe pola Consellería de Sanidade (actualizados ás 18h. de onte), a comarca ten 819 positivos, o que supón 12 menos que onte.
As cifras de contaxios activos baixan en 6 dos municipios de Valdeorras. Así O Barco rexistra 451 positivos (6 menos que onte), Carballeda ten 25 positivos (3 menos que onte), Larouco 69 positivos (1 menos que onte), Petín 17 positivos (5 menos que onte), Rubiá 60 positivos (3 menos que onte) e A Veiga 15 positivos (1 menos que onte).
En cambio, hai dous concellos valdeorreses que presentan subida nos casos activos: O Bolo con 35 positivos (6 máis que onte) e Vilamartín con 35 positivos (1 máis que onte).
Por outra banda, A Rúa rexistra 112 positivos a mesma cantidade de onte.
