DeportesGalerías de fotosÚltima hora

Valdeorras sube ao podio da “Crocodile Trophy” 2019 con Brandan Márquez

O capitán do equipo ciclista Tres Lunas remataba a lexendaria carreira polo corazón de Australia no 3º posto da clasificación xeral

 

Con moito calor, esgotado e ata ferido, Brandan Márquez, o ciclista vigués que encabeza o equipo Tres Lunas Valdeorras, lograba non só rematar senón facer podio na Crocodile Trophy 2019, a lexendaria e dura carreira polo corazón de Australia.

Foron 8 etapas (comezaba o 12 de outubro e remataba hoxe, día 19) e máis de 700 quilómetros por unha gran variedade de sendeiros para bicicletas de montaña nun pelotón multicultural con ciclistas de todo o mundo, dende a xungla en Cairns a través de pistas individuais ata o remoto e árido Outback australiano cun impresionante final na praia. Sen dúbida unha experiencia inesquecible para os participantes que lograban chegar á meta, como o galego.

 

Brandan Márquez no 3º caixón do podio da “Crocodile Trophy” de Australia.

 

Durante os oito días de carreira Brandan mantívose no alto da clasificación, oscilando entre o segundo e o cuarto posto, e finalmente era na corrarreloxo de hoxe onde lograba o podio. Tal como el mesmo explica nesta última etaba saían cada minuto “así que tocou morrer 8 km para coroar a escasos 30’, pero a partir de aí decidín xogarma (o podio da xeral a 1’20” e o 5° a máis de media hora) e a cosa saiu redonda”. Lograba darlle a volta á carreira e ser 2° na etapa e 3° da xeral, a 27” do 2° e 14” por delante do 4°. “Parece incrible que despois de 8 días estemos 3 corredores en menos dun minuto”, asegura Brandan, satisfeito con este final de tempada.

Fotos: Facebook Brandan Marquez Fernandez

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close