Pouco a pouco segue subindo o número de positivos de Covid en Valdeorras. Así, a comarca ten neste mércores 1 de decembro un total de 35 (catro máis que onte), segundo os datos do Sergas actualizados ás 18h. do 30 de novembro.
Os municipios que rexistran aumento de casos con respecto a onte son O Barco que conta con 18 positivos, 3 máis; e A Veiga con 5 positivos, o que supón 1 máis que onte. A Rúa ten 4 positivos, Vilamartín 5 e Larouco 3.
No caso de O Bolo, Carballeda de Valdeorras, Rubiá e Petín mantéñense libres de coronavirus.
Con respecto ao conxunto da provincia de Ourense, na xornada de hoxe rexistra un total de 1.572 casos activos. No que se refire aos hospitais, o Hospital Público de Valdeorras ten 2 ingresos, o de Verín outros 2, e o de Ourense ten 46, 41 deles en planta e 5 en coidados intensivos. Ademais tanto o Centro Médico del Carmen como a Clínica Santa Teresa, continúan con 1 ingreso cada un.
