Nova xornada de ascenso nos casos de positivos de Covid-19 en Valdeorras. Así, a comarca ten neste 3 de decembro un total de 45 (3 máis que onte), segundo os datos do Sergas actualizados ás 18h. do 2 de decembro.
Os municipios que rexistran aumento de casos con respecto a onte son O Bolo con 2 positivos (1 máis que onte), Larouco con 5 (1 máis que onte) e A Veiga con 9 positivos (3 máis que onte). Por contra, baixan os casos en Vilamartín, con 3 positivos (2 menos que onte).
A cifra de positivos mantense no Barco con 20 casos activos, en Petín con 1 caso e na Rúa con 5 casos.
Os concellos de Carballeda de Valdeorras e Rubiá mantéñense libres de coronavirus.
