Leve baixada nos positivos de Covid en Valdeorras. Así, a comarca ten neste 27 de xullo un total de 226 casos activos de Covid, o que supón 4 menos que onte, segundo os datos do Sergas actualizados ás 18h. do 26 de xullo.
O único municipio que rexistra aumento de casos é Rubiá que conta con 5 positivos, o que supón 1 máis que onte. Por contra, baixan os casos no Barco con 170 positivos, 3 menos que onte; en Carballeda con 4 casos, 1 menos que onte; e en Vilamartín con 15, 1 menos que onte.
No resto de municipios mantéñense os datos de onte, así na Rúa séguese con 21, na Veiga hai 5 positivos, en Petín con 2, en Larouco 2 e no Bolo con 2.
A provincia de Ourense rexistra un total de 2.257 casos activos, o que supón 18 menos que onte. No que se refire á ingresos, o Hospital Público de Valdeorras continúa con 2 ingresos por Covid en planta, o de Verín ten 1 e o Hospital de Ourense 41 en planta e 3 en UCI. Ademais a Clínica Santa Teresa rexistra 4 ingresos en planta. En total son 51 as persoas hospitalizadas por Covid na provincia de Ourense.
