Lixeira repunta nos casos activos de Covid en Valdeorras. A comarca rexistra un total de 824 positivos, o que supón 8 máis que onte, segundo os datos feitos públicos nesta xornada pola Consellería de Sanidade, actualizados ás 18h. de onte.
Os contaxios activos soben en Carballeda con 22 (2 máis que onte), en Rubiá con 67 (7 máis que onte), na Veiga con 32 (16 máis que onte) e en Vilamartín con 39 (2 máis que onte). En cambio, os casos activos baixan no Barco con 449 (10 menos que onte), no Bolo con 27 (2 menos que onte), en Larouco con 62 (5 menos que onte) e en Petín con 12 (2 menos que onte).
Na Rúa mantéñense en 114 os casos activos, a mesma cifra de onte.
