As cores características do outono, vermellos e ocres, van apagando o verde do oriente ourensán. Chega a nova estación e un sorprendente cromatismo envolve as ladeiras de viñedos e os montes desta parte da provincia de Ourense. Este cambio apréciase tan só con percorrer, por exemplo, o Paseo do Malecón do Barco, tal e como pode verse nestas imaxes. Delas poden desfrutar as numerosas persoas que acostuman pasar por esta zona barquense, especialmemte, nas fins de semana.
Fotos: Carlos G. Hervella/ Ángeles Rodríguez
