Vandalismo no campo de fútbol da Rúa

Con esta imaxe do campo de fútbol do Aguillón na Rúa, se atopaban os veteranos ao ir adestrar. Alguén entrara nas instalacións municipais e tentara levar un anaco do céspede artificial. Parece incrible pero é real e na fotografía vese claramente como cortaron un rectángulo perfecto. Ignórase que pretendían facer con el, pero o certo é que non o levaron, non sabemos se porque pesaba moito ou porque cambiaron de idea.

Por sorte, a parte que cortaron estaba fóra da área de xogo.