As instalacións do Sporting Casino da Coruña, acollía esta fin de semana a terceira edición do seu trofeo de natación artística nas modalidades de rutinas libres combinadas e de equipo nas categorías de escola e base, no que participou o Sincro Ourense conseguindo varias medallas.
O mellor resultado das ourensás volveu ser o conseguido polo grupo de base 4 infantil, ouro en equipos e bronce en combos. Ademais, en equipos de base 2 o Sincro Ourense era terceiro por detrás dos anfitrións e do Acuatic Oleiros. En equipos base 3 lograba a prata, e en equipos base 4 o cuarto posto.
Na modalidade de combos de escola o Sincro lograba o sexto posto, sendo terceiro en base 1, segundo en base 2, terceiro en base 3 e quinto en base 4 júnior.
Fotos: Sincro Ourense.
