OurenseÚltima hora

Varios premios para o Colexio Divina Pastora de Ourense no concurso nacional “¿Cuánto tiempo tienes para mí?”

Os Ecovixiantes enfocaron o concurso como convivencia na natureza, para realizar actividades en familia

 

Sensibilizar sobre a necesidade dos menores de compartir máis tempo coas súas familias; crear conciencia acerca do tempo que realmente empregan os pais e as nais no coidado e educación dos seus fillos; promover cambios encamiñados a incrementar o tempo que se lles adica; e facilitar a creación de novos espazos e actividades de relación entre os fillos e os proxenitores. Son os obxectivos do XI Concurso Escolar ¿Cuánto tiempo tienes para mí?, enmarcado no programa do mesmo nome subvencionado polo Ministerio de Sanidade, Consumo e Benestar Social (convocatoria IRPF 2019), no que o Colexio Divina Pastora MM Franciscanas de Ourense lopgraba varios premios na categoría de Educación Secundaria.

Ao concurso de conciliación familiar, neste tempos de pandemia, concorreron máis de 300 traballos e os Ecovixiantes de Franciscanas de Ourense enfocárono como “convivencia na natureza, para realizar actividades en familia”, tal como explica o profesor Gonzalo.

Os premiados do colexio ourensán foron: Raquel Ying Álvarez (De Coral)-2º ESO, gañadora; Adrián Vaquero Fuente (John Wayne)-1ºC ESO, finalista; Gabriel Gallego Salgado (Gogeta Z)–2ºB, finalista; Rebeca González Arroyo (Gamer)–1ºB ESO, accésit; e Alejandro Garea Sánchez (Futbolero 07)–2ºA ESO, accésit.

Fotos cedidas.

Artigos relacionados

Back to top button