O Concello de A Veiga será escenario este domingo 21 de agosto da II Andaina e Carreira Popular Trevinca-A Veiga. Tras o éxito da cita celebrada o ano pasado, 150 deportistas volverán encontrarse nesta ocasión nas rúas do municipio. A liña de saída estará ubicada na Praza do Concello.
Segundo o programa, ás 11 horas sairán os andaríns e media hora máis tarde comezará o circuíto da carreira. O percorrido pasará por O Coiñedo e os pobos de Casdenodres e Castromarigo. A entrega de trofeos será ás 13:30 horas.
A proba contará con dous percorridos con distintos perfís. Así, a andaina será de 10,4 km e a carreira de 8,5. Ademais, os participantes inscritos recibirán por parte do Concello un vale por importe de 2 euros para consumir nos establecementos locais.
