Dúas serán as citas relacionadas co valor do ceo nocturno que se desenvolverán na Veiga en agosto. A primeira delas terá lugar o día 9 de agosto, da man da V Marcha Nocturna “Entre Lobos e Estrelas, camiñando pola noite a cima de Galicia, Pena Trevinca” (2.127 metros) que, aproveitando a lúa chea, pasará á beira das lagoas glaciares de Trevinca, as lagoas do Piatorta.
Ademais o 12 de agosto organizarase a II Xornada de Observación das Perseidas coñecidas coma “Lágrimas de San Lourenzo”, unha chuvia de meteoros de actividade alta, que terá lugar no mirador estelar de O Rañadoiro.
As persoas interesadas en participar podense poñer en contacto ca oficina de turismo do Concello da Veiga no 988350130 ou no enderezo electrónico turismo.aveiga@gmail.com
Tendo en conta actividades como estas e o valor que posúe o ceo da Veiga para este tipo de actividades, o Concello está vén de iniciar os trámites para a obtención da certificación de destino turístico starlight. “Os Destinos Turísticos Starlight son lugares visitables que posúen excelentes cualidades para a contemplación dos ceos estrelados e a práctica de actividades turísticas baseadas neste recurso”, aseguran dende o Concello da Veiga. E matizan que con esta iniciativa “con esta iniciativa preténdese promover o turismo estelar, apostando así polo turismo sostible nun espacio que xa conta ca protección da Rede Natura 2000”.
