ConcellosEntroido 2020Galerías de fotosÚltima hora

Velorio, procesión, queima e merenda no Enterro da Sardiña na Rúa

A posta en escena correu un ano máis por conta de A Rúada e os bocadillos de sardiña por conta do Concello

 

Malia pasar o Mércores de Cinsa, A Rúa non despedíu aínda ao Entroido. De feito o desfile de comparsas e carrozas, acto central da festa neste municipio valdeorrés, non se celebrará ata o sábado (foi aprazado polo falecemento dun veciño), pero o que si mantivo foi o Enterro da Sardiña.

Un ano máis o tradicional e festivo acto comezaba co velorio no adro da igrexa de Santo Estevo, continuaba coa procesión pola Rúa Vella e remataba coa queima da sardiña na praza César Conti. Entre berros, choros, sermón e anacos de bica e torta de roxóns, numerosos veciños seguiron a parodia posta en escena por A Ruada. Entre os personaxes: as choronas, o crego e o bispo.

 

Queima da Sardiña e dos Compadres na praza César Conti.

 

Tralo percorrido pola Rúa Vella que era seguido por numeroso público, o Enterro da Sardiña remataba na praza coa queima dos bonecos (sardiña de trampo e Compadres) e posterior degustación de viño e bocadillos de sardiña por xentileza do Concello.

Fotos: Mónica G. Bellver

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close