Publicidade
ConcellosÚltima hora

Verín abre a Batucada 2017 cunha xornada adicada á música electrónica

Viktor Flores, Jose Malaguita, Fon Kid, Southear, Mind Archives e Igor. B pincahrán este venres 28 de xullo

A praza García Barbón de Verín acollerá este vernes 28 de xullo o comezo da Batucada 2017 cunha sesión de música electrónica, a “Batucada electrónica” que arrancará ás 19:30 horas e, cun descanso de media hora, rematará ao redor das 3 horas da madrugada do sábado.

Nesta edición da Batucada, o Concello programa actividades diferentes dirixidas a todos os públicos, “A Batucada é unha festa viva e en constante renovación, por iso, desde a concellería de Cultura cada ano introducimos novidades”, explicou a concelleira de Cultura, Emila Somoza na presentación. Entre estas novidades destaca a festa electrónica cuxo obxectivo é abrir de novo unha porta a un tipo de música que sempre estivo presente na nosa vila, pero que cos anos foi perdendo forza. “Pretendemos levantar a de novo a curiosidade cultural sobre o xénero, chegar a xente coa historia que hai detrás de cada sesión, que se forma entre cada mezcla” explicou Somoza. Os artistas Igor B e Mind Archives (19:30 a 22 horas) forman parte do elenco da primeira parte do evento e pechan o cartel Viktor Flores, Malaguita, Fon Kid e Southear (23:30 a 3 horas).

 

A concelleira de Cultura de Verín, Emilia Somoza, na presentación da Batucada 2017.

Como non podería ser doutra maneira, a auga e a espuma serán os principais protagonistas da batucada na tarde do sábado 29 e ás 17:30 horas celebrarase na praza García Barbón, coa animación a cargo de ENJOY – Disco Móbil Jorge, a “Festa da escuma e da auga”. Ás 19 horas, comezará o “Desfile Pasa-Rúas da Batucada” que sairá da Praza Maior e continuará pola rúa Lisa, Avenida de Portugal, Montemaior, Laureano Peláez, Irmáns Moreno rematando no Pavillón dos Deportes de Verín. Este ano, o desfile contará coa presenza da batucada Xituma Batuke chegada dende Xinzo de Limia.

Xa por último, o grupo Garibaldi, cun espectáculo de acrobacias e dous compoñentes de orixe verinés, chegan o sábado pola noite a Verín para ofrecer unha entretida velada na praza a partires das 00:00 horas.

Emilia Somoza fixo especial fincapé en que “este ano, reduciranse as horas de auga por mor da seca que estamos sa sufrir. Sabemos que a auga é o espírito principal desta festa e manteremos un mínimo de litros para que os asistentes podan gozar desta popular celebración. Sempre priorizando, coma non podería ser de otra maneira, o noso compromiso co medio ambiente”.

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close