OurenseÚltima hora

Verín reforza os servizos de limpeza nas rúas contra o coronavirus

 

Desde a entrada en vigor da alerta sanitaria polo coronavirus, o Concello Verín leva a cabo unha campaña “intensiva de limpeza e desinfección diaria das súas rúas, dando prioridade ás zonas máis sensibles e con maior tránsito para evitar a propagación do coronavirus Covid-19”, tal e como sinala esta administración local.

Este plan especial de limpeza, implementado pola Comisión de Seguimento do Covid-19 do Concello de Verín, está a ser executado polos operarios municipais, encargados de limpar e desinfectar as rúas. “Preténdese co mesmo minimizar o dano que poida ocasionar a presenza do virus na vía pública”, di o Concello.

Neste plan de limpeza tamén participa a empresa DDDverín Control de Pragas que realiza un “servizo específico encargado de desinfectar periodicamente con mochilas pulverizadoras os edificios municipais, as residencias de maiores, o Hospital, o Centro de Saúde, os supermercados, as farmacias e os bancos”, matiza o Concello de Verín.

Fotos: Concello de Verín.

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close