O vindeiro xoves 21 de novembro ás 20:30h. terá lugar na Casa da Cultura a estrea oficial das curtametraxes “Campioas na sombra” e “Os mundos de Yina”, realizadas polo alumnado do Obradoiro de Cinema impartido o pasado verán entre a mocidade vianesa.
“A curtametraxe documental “Campioas na sombra” trata de recoñecer o papel da muller no deporte e poñer en valor os logros das mulleres deportistas, tan invisibilizadas na sociedade. Por outra banda, a curta “Os mundos de Yina”, narra a historia dunha adolescente que se afasta dos estereotipos e roles de xénero que a sociedade lle marca con todos os problemas que isto lle acarrea”, tal e como adiantan dende o Concello de Viana do Bolo.
Durante o acto de estrea “trataremos de homeaxear, cunha entrega de premios, a estes/as novos/as creadores/as que co seu traballo e esforzo dan mostras do seu compromiso e “loita” para lograr a igualdade de xénero”, indican tamén dende o Concello.