CulturaCulturaÚltima hora

Viana do Bolo convoca o concurso para o cartel do Entroido 2018

Boteiros e folións na praza Maior de Viana do Bolo no Domingo./ Foto: Mónica G. Bellver.

O vindeiro 5 de xaneiro (ás 14h.) concluirá o prazo para presentar obras no concurso para o cartel do Entroido 2018 que vén de convocar o Concello de Viana do Bolo. Segundo as bases do certame, poderán tomar parte nel “todos os creadores que así o desexen, co número de traballos que estimen oportunos, sendo condición indispensable que as obras sexan orixinais”.

O formato único será vertical con tamaño de 594×841 mm (dimensión A1) e “non servirán formatos proporcionais”. As obras levarán como único texto “Entroido 2018-Viana do Bolo, do 1 ao 14 de febreiro”. O tema será de libre elección e interpretación do autor, pero “deberá recoller o espírito entroideiro de Viana do Bolo”.

O xurado que escollerá a obra ganadora estará formado, segundo as bases, por “alomenos tres persoas relacionadas co mundo do Folión tradicional de Viana do Bolo, a fotografía e a imaxe, as artes plásticas, a antropoloxía, e a divulgación cultural en xeral e serán designados polo órgano competente municipal”. O premio consistirá nunha dotación económica de 300 euros e na edición do cartel.

Máis información:
Concello de Viana do Bolo http://www.vianadobolo.es/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close