CulturaCulturaÚltima hora

Viana do Bolo ergue o pano do seu IV Ciclo Outono Teatral

O programa abrirase o 13 de outubro coa obra "Casa O Rei" de Santiago Cortegoso

Presentación do Ciclo de Outono de Teatro en Viana./ Foto: Concello de Viana.

 

Neste mes de outubro Viana do Bolo celebrará a cuarta edición do seu Ciclo de Outono Teatral, que contará con tres obras representacións para “tódolos gustos e idades”, tal e como se destacaba na presentación do seu programa, un acto que tiña lugar na mañá deste 8 de novembro no Concello e que contaba coa presenza do alcalde vianés, Secundino Fernández, e da concelleira de Cultura, Graciela Diéguez.

O ciclo porase en marcha o 13 de outubro ás 20h. na Casa da Cultura coa obra “Casa O Rei” de Santiago Cortegoso, quen propón un xogo escénico e dramatúrxico baseado na obra “Rei Lear” de W. Shakespeare, pero ambientado nunha típica casa de comidas galega.

A segunda xornada terá lugar o sábado 19 de outubro. A cita será ás 20h. na Casa da Cultura coa comedia teatral “Running”, que nos achega a historia amorosa de Julia e Román, cargada de humor e problemas da vida actual.

O ciclo finalizará o sábado 26 de outubro ás 19h. co espectáculo musical, dirixido a público familiar, “Hansel e Gretel”. Tomando como base o conto dos irmáns Grimm faise unha satírica crítica ao capitalismo.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close