ConcellosÚltima horaViana do Bolo

Viana do Bolo, libre de Covid

Praza Maior de Viana do Bolo./ Foto: Carlos G. Hervella.

Viana do Bolo comezaba o mes de marzo con 9 positivos por Covid no municipio, pero neste 18 de marzo o concello volve estar libre de Covid. Así o vén de confirmar o seu alcalde, Abelardo Carballo a través dun bando, no que se indica que o ” Servizo Galego de Saúde vén de comunicar os datos actualizados no número de contaxios, rexistrándose, a día de hoxe un total de 0 positivos”.

No bando tamén se indican as novas medidas sanitarias que entrarán en vigor ás 00h. do 19 de marzo no que se refire á Viana (concello que está no nivel medio-baixo. “A pesares dos bos datos rexistrados actualmente no noso concello, pedimos á veciñanza serestrictos e rigurosos no cumprimento das medidas acordadas pola Xunta de Galicia”, sinala o rexedor.

E, ademais, lémbrase “igualmente a necesidade de manter e respectar as medidas de protección habituais: emprego de máscara, lavado frecuente de mans e distancia de seguridade; así como limitar as reunións fora do grupo de convivencia”.

Artigos relacionados

Back to top button