Publicidade
ConcellosÚltima hora

Viana do Bolo presenta as súas actividades infantís de verán

Terán unha maior duración no tempo (4 semanas) e un horario máis extenso (4 horas diarias) para dar cobertura á meirande parte do mes de xullo e a metade de agosto

A concelleira de Cultura e o alcalde de Viana, na presentación das actividades./ Foto cedida.

 

Neste venres 26 de xuño o Concello de Viana do Bolo ván de presentar as súas Actividades Infantís de Verán, incluídas dentro do Programa Municipal de Medidas de Conciliación, e que contan nesta ocasión cunha serie de novidades.

“Ante a actual situación provocada pola Covid-19 dende Concello e o Centro de Información á Muller (CIM) entendemos que debemos levar a cabo medidas e políticas de intervención que permitan paliar na medida do posible os efectos negativos desta pandemia no que a conciliación se refire. Por iso propoñemos unha serie de cambios e modificacións nos programas de conciliación para este verán 2020”, tal e como explica o Concello de Viana.

Unha das novidades será que este ano as Actividades Infantís de Verán (que constan de Ludoteca e Campamento coma ven sendo habitual) terán unha maior duración no tempo (4 semanas) e un horario máis extenso (4 horas diarias) para dar cobertura á meirande parte do mes de xullo e a metade de agosto.

 

 

A organización das actividades tamén será diferente (seguindo as normas e protocolos marcados polos organismos autonómicos e estatais). “O obxectivo é ofrecer confianza e seguridade as familias sen renunciar á diversión dos/as máis cativos/as da casa. Ximkanas, rastrexos, actividades temáticas, teatro, natureza, deporte, artes, música, festas, xogos de auga…Todo está preparado para unha “nova normalidade” na que @s rapaces poidan por fin gozar o seu verán”, destacan dende o Concello de Viana.

O prazo de inscrición para estas actividades abrirase a partir do vindeiro luns 29 de xuño e prolongarase ata o xoves 2 de xullo.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close