Publicidade
CulturaCulturaEducaciónÚltima hora

Viana homenaxeará a Carvalho Calero con concursos e lecturas “dende o confinamento”

 

A concelleira de Cultura de Viana, Graciela Diéguez, amosando os carteis das actividades das Letras Galegas./ Foto cedida.

 

Pese á situación actual de estado de alarma, Viana do Bolo non renuncia a celebrar o vindeiro 17 de maio o Día das Letras Galegas, adicado nesta edición de 2020, a Ricardo Carvalho Calero pola seu labor como escritor, poeta, filólogo e lingüÍsta. Pero farao apostando polos formatos virtuais na celebración.

“Aínda que neste ano a celebración oficial foi aprazada ata o día 31 de outubro, dende o Concello de Viana do Bolo, non queremos esquecernos dunha data tan importante para a nosa cultura, polo que organizamos unha serie de actividades para toda a veciñanza co obxectivo de defender e querer a nosa lingua”, explican dende o Concello.

Tres serán as actividades principais. Unha delas é o concurso “Relatos dende o confinamento”, convocado a primeiros de maio. Está dirixido “á rapazada do CEIP Bibei e conta cunha importante dotación económica a repartir entre todos/as os/as participantes, co obxectivo de reactivar o comercio local”, matizan dende o Concello.

Por outra banda está a Campaña “DEFENDE O GALEGO”, coa que “animamos a toda a veciñanza a pendurar a bandeira galega o día 17 e colocar nos balcóns e fiestras unha serie de carteis da campaña “Queremos Galego”, que se repartirán dende o Concello, a quen así o solicite. Tamén se repartirán láminas para colorear, para os/as cativos/as”, din dende a administración local vianesa.

E, finalmente unha serie de autores de Viana homenaxearán a Carvalho Calero coa lectura dalgúns dos seus poemas. Os seus vídeos serán publicados nas redes sociais do Concello durante a fin de semana do 16 e 17 de maio.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close