En portadaGalerías de fotosÚltima hora

Viana loita para evitar que o lume chegue ata Fornelos de Filloás

Este incendio forestal, que se iniciaba onte na Gudiña, propagouse ao longo do municipio vianés pondo en perigo varios pobos

O lume segue mantendo en vilo aos veciños de Viana do Bolo. Este incendio forestal, que se iniciaba onte na Gudiña e que logo se propagaba polo territorio vianés, continúa tendo un longo foco activo, de case 1 km, que se dirixe cara o pobo de Fornelos de Filloás. Frealo é agora o obxectivo das persoas que traballan na súa extinción e niso están centrando os seus esforzos, explica o tenente de alcalde de Viana do Bolo, Santiago Barja, que segue moi de preto a evolución do lume. “Choveunos un pouquiño e algo se humedeceu a terra, a ver se o conseguimos controlar”, apunta. Xunto a el estaba tamén o alcalde vianés, Secundino Fernández, e o outro tenente de alcalde, José Antonio Alfonso.

Pola tarde volvían a vivirse momentos dramáticos na localidade de Bembibre ao mudar a dirección do aire. “Viviuse outro momento difícil porque cambio ou sentido do vento e parecía que quería volver a entrar no pobo, pero ao final afortunadamente non foi así”, relata Barja.

Tamén durante a tarde se traballaba para evitar que as chamas se achegasen ata Fradelo algo que tamén se conseguía. “Meteuse un bulldozer e logrouse parar”, comenta Barja. Ademais do labor realizado polos equipos de extinción, o tenente de alcalde vianés resalta a gran participación de persoas voluntarias que están a colaborar para porlle freo ao lume, agradecendo a súa axuda. Calcula que só neste lume poderían ter ardido máis de 2.000 hectáreas.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close