CulturaCulturaÚltima hora

Viana presenta un variado programa de verán con teatro, música, deporte e mesmo circo

O alcalde e a concelleira de Cultura de Viana do Bolo, na presentación do programa de actividades do verán./ Foto cedida.

Do máis diverso e para todas as idades e públicos. Así son as actividades do “Verán 2018” en Viana do Bolo, que veñen de presentar o alcaldes vianés, Secundino Fernández, e a concelleira de Cultura, Graciela Diéguez

“Son actividades variadas e diversas nas que sobresae o calendario festivo en torno ás festas patronais. Contaremos con ludoteca e campamento de verán para as nenas e nenos, teatro en colaboración co grupo de teatro Candea, festivais de corais en colaboración coas agrupacions Candea e Orfeón Vianés, festa da cervexa, romaría de época no Cabo da Vila en colaboración coa asociación de veciños do Cabo da Vila, actividades na piscina, e un montón de propostas deportivas”, destaca o rexedor de Viana.

O programa iniciarase o vindeiro 9 de xullo coa ludoteca e neste mesmo mes sobresaen actividades como a V Mostra de Teatro Afeccionado (28 e 29 de xullo), ou a posta en marcha da bibliopiscina.  A música cobrará especial protagonismo en agosto co Festival Coral e Banda da Coral Candea (4 de agosto), coa XIII Mostra de Corais do Orfeón Vianés o 11 de agosto ou, xa dentro das festas patronais (15-17 de agosto), coa IV Xostra, as Xornadas de Folclore, as actuacións de bandas e orquestras e unha gala de circo na rúa.

O deporte será outro dos eixos deste verán con torneos de pádel e de fútbol 5, clases de tenis, xornadas de kaiak e paddle board, andainas diurnas e nocturnas, ou o XVIII Torneo de Bolos de Punxeiro.

 

Carteis coas actividades./ Foto cedida.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close