ConcellosÚltima hora

Viaxe formativa de membros do proxecto “Faba Loba de Trevinca” a terras segovianas

Coñecían o proxecto "Judión de la Granja", do que forman parte 22 produtores da Granxa de San Ildefonso

Uns 25 integrantes do proxecto “Faba Loba das Montañas de Trevinca” desprazábanse o 19 de setembro ata a Granxa de San Ildefonso (Segovia) para coñecer a iniciativa do “Judión de la Granja”, que se está a desenvolver dende hai oito anos. Este produto está certificado cunha marca de garantía, sendo referente a nivel nacional e contando cunha produción anual de 38.000 quilos.

A delegación veiguesa, da que tamén formaban parte o alcalde e técnicos municipais, era recibida ás 11:30h. polo rexedor da Granxa, Samuel Alonso, e polos técnicos que levan o devandito proxecto. Despois visitábase un banco de sementes do Judión, co nome de Rancho Maderuelo e cunha hectárea de extensión. Alí, da man de Guzmán Gilsanz, técnico desta marca de garantía, coñecían o funcionamento do proxecto do que forman parte 22 produtores e tamén do banco de sementes. Despois mantiñan un encontro cunha produtora e finalmente visitaban o Palacio Real da Granxa.

Os concellos da Veiga e da Granxa comprometéronse a “establecer vías de colaboración no proxecto apícola e das fabas de maneira permanente”, segundo o Concello da Veiga. Ademais espérase que nos vindeiros meses este concello valdeorrés sexa visitado por representantes do municipio segoviano.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close