En portadaÚltima hora

VIII Andaina de Manzaneda e I Trail, o 8 de outubro dende San Miguel

A proba inclúe unha camiñata e un trail curtos de 16 m ademais dunha andaina e un trail longos de 19 km de dificultade media

 

Un dos tramos polos que pasará tanto a andaina como o trail de Manzaneda./ Foto: Carlos G. Hervella.

Paraxes de verdes suntuosos, serra aberta ou regatos. Destas estampas poderán gozar os participantes na VIII Andaina de Manzaneda (AdeM) e I Trail, previstos para o 8 de outubro. A diferenza da pasada edición, San Miguel será o punto de partida das probas, un total de catro e de dificultade media: unha andaina e un trail curtos de 16 km, xunto cunha andaina e un trail longos de 19 km. Nelas seguiranse vellos vieiros que décadas atrás conectaban os diferentes pobos.

Os primeiros en tomar a saída dende o Campo do Penso serán os camiñantes. Farano ás nove da mañá do 8 de outubro. Unha hora despois, ás dez, será o turno dos corredores. Andaina e trail terán os mesmos percorridos. “Partindo de San Miguel irán cara a aldea de Placín, para logo dirixirse á de Requeixo, dende onde terán que seguir polo camiño vello que unía este lugar coa aldea abandonada de Prada, cruzando o río Requeixo ata onde comeza o antigo carroucho, que leva á paraxe de Gustufrío e a Cernado. Logo continuarán por Bidueira, seguindo o carreiro que une Cernado con Reigada”, tal e como adianta a organización, en mans do Concello de Manzaneda. Ao longo do traxecto estableceranse puntos de avituallamento e controis de paso.

Estímase que a proba podería rematar en torno ás 14:30h. no mesmo punto de saída, San Miguel. Despois está previsto un xantar popular para os participantes no polideportivo de Manzaneda e un sorteo de agasallos doados por diferentes empresas da zona.
As persoas interesadas poderán inscribirse ata o 5 de outubro nas webs www.avaibooksports.com e www.concellodemanzaneda.gal. Para participar será necesario abonar un donativo á participación de 10 euros. Na organización desta andaina e trail colaboran a Agrupación de Voluntarios de Protección Civil de Manzaneda, a Asociación Cultural Porco Celta e a Asociación de Mulleres Algueirada.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close