Vilamartín dá a benvida ao Entroido co desfile de folións

A xornada, na que participaban agrupacións do oriente ourensán, remataba coa II Festa das Sopas de Allo

A localidade valdeorresa de Vilamartín está a vivir unhas horas moi intensas. Onte pola noite celebraban unha sesión de Cantos de Taberna polas covas e hoxe, daban a benvida ao Entroido coa celebración da II Festa das Sopas de Allo.

O programa arrancaba a primeira hora da tarde co pregón a cargo da presentadora da TVG Nieves Rodríguez e a petición de permiso. A partires de aí, comezaba o desfile de folións con saída no Bañadoiro, pasando pola Rodeleira e boa parte do pobo ata regresar ao pavillón onde se celebraba a cea cun menú composto por empanada, sopas de allo e panceta.

No desfile participaban unha decena de agrupación do oriente ourensán: do Tameirón, Carracedo, O Bolo, Sobrado, Chandrexa, As Maceiras (Trives), Os Labregos (Trives), A Caniceira (Trives), A Lardeira (Piñeiro), Petín, O Irrio de Castro Caldelas, e Os Viticultores (Vilamartín).

A xornada estivo organizada pola Asociación Cultural Folión Os Viticultores coa colaboración do Concello de Vilamartín de Valdeorras, Coveiros de Arcos, Coveiros de Vilamartín, Peluquería Duar e Bar Santos.

Fotos: Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies