ConcellosEn portadaGalerías de fotosÚltima hora

Vilamartín inaugura o mural realizado polo artista arxentino Carlos Moreyra

No acto, que tiña lugar no Bañadoiro, os asistentes colaboraban en porlle nome á obra que se chamará “As uvas da vida”

Unha paisaxe de viñedos, enmarcada por montañas e na que dúas mulleres portan cestos de uvas recén recollidas. Así é o mural que o mestre escultor Carlos Moreyra realizaba a través do obradoiro de muralismo que impartía a finais de setembro en Vilamartín. Este traballo (no que tamén participaban o profesor Leonardo Corazza, a artista Laura Duben e as alumnas Carmen e Carina) descubríase ante os vilamartineses nun emotivo acto que tiña lugar no Bañadoiro.

Antes o alcalde, Enrique Barreiro, presentaba aos autores do mural e agradecía á Laura Duben, creadora tamén arxentina asentada no Barco dende hai varios anos, a iniciativa de ter promovido este intercambio cultural e de ter escollido Vilamartín como escenario do obradoiro. De seguido Laura Duben presentaba a Carlos Moreyra e explicaba que escolleron Vilamartín porque “abriunos a porta á cultura e estamos moi contentos de deixar esta homenaxe á xente do pueblo”.

Pola súa banda, Moreyra sinalaba que é “unha honra compartir a arte do muralismo” coa terra ourensá, da que é orixinario. E explicou as técnicas aplicadas e como a propia xente de Vilamartín colaborou de diferente xeito na elaboración deste traballo e aportando ideas ao seu acabado final. “Co meu amor”, concluía, “entrégolles isto”.

Seguidamente, en medio dun aplauso, descubríase a obra. E mentres o Concello de Vilamartín agasallaba aos presentes cuns pinchos e viño, comezaba o proceso popular para darlle un nome ao mural. Finalmente, o escollido era “Uvas de la vida”, escrito por Belén.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close