Fieis á tradición, a asociación cultural O Mosteiro organizaba, un ano máis, o magosto popular en Vilanova (O Barco de Valdeorras), na tarde-noite do sábado 28 de outubro.
A festa de outono tiña lugar na praza do pobo valdeorrés e contou coa asistencia de moita xente de todas as idades que, ademais das castañas asadas, desfrutou dunha boa merenda a base de pan, chourizos, viño doces e todo tipo de refrescos.
Na cita tampouco faltou a música para botar un baile, nin a tradicional queimada.
Fotos cedidas pola asociación cultural O Mosteiro de Vilanova.