SanidadeÚltima hora

Vilar de Barrio, Monterrei e Larouco, entre os 10 concellos galegos con maior procentaxe de poboación diana vacinada

 

Os concellos de Sobrado (A Coruña), Baleira (Lugo), Vilar de Barrio (Ourense) e Agolada (Pontevedra), son os que a día de hoxe teñen a maior porcentaxe de poboación diana inmunizada contra a covid con pauta completa nas súas provincias. Así o informa a Consellería de Sanidade que detalla que estes muncipios teñen, respectivamente, 90,29%, 91,18%, 91,44% e 86,54% respectivamente da súa poboación diana inmunizada. Considérase poboación diana aquela que é susceptible de ser vacinada, e que no caso do coronavirus é a de 12 anos e maiores desa idade.

No referente ás sete grandes cidades, as porcentaxes son as seguintes: A Coruña 78,01%; Lugo 80,33%, Ourense 80%; Pontevedra 77,41%; Vigo 75,60%; Santiago de Compostela 81,02%; e Ferrol 80,56%.

No global de Galicia, os dez concellos con maior porcentaxe de inmunizados na poboación diana son Vilar de Barrio cun 91,44%, Montederramo cun 91,42%, Baleira cun 91,18%, Abadín cun 90,77%; Larouco cun 90,30%, Sobrado cun 90,29%, Sarreaus cun 90,24%, Vilardevós cun 90,23%, Beade cun 90,03% e Navia de Suarna cun 89,81%.

No caso da provincia de Ourense hai outros concellos que rozan o 90% da poboación diana vacinada como é o caso de Rubiá cun 88,76%, Parada de Sil cun 88,42% ou Manzaneda cun 88.08%. As porcentaxes baixan no caso da Veiga cun 84,39%, en Trives cun 83,74%, na Rúa cun 81,94%, en Carballeda de Valdeorras cun 80,91%, no Barco cun 78,17% ou en Verín cun 76,17%, segundo os datos da Consellería de Sanidade.

Todos estes datos, correspóndese a persoas con tarxeta do Sergas.

Artigos relacionados

Back to top button