ConcellosÚltima hora

Vilar de Santos renova os seus camiños rurais

O Concello vén de concluír varios proxectos incluídos no seu programa bianual de infraestruturas
Unha das intervencións realizadas en Vilar de Santos.
Unha das intervencións realizadas en Vilar de Santos.

Son actuacións “fundamentais tanto dende o punto de vista de mellora e renovación das infraestruturas como desde a actividade agraria”. Deste xeito se refire o alcalde de Vilar de Santos, Xan Jardón, aos proxectos do Programa de Infraestruturas, que se veñen de rematar. Este plan abrangue diversas actuacións de renovación e mellora viaria e conservación e protección do medio rural e natural en todo o municipio.

Así, cun orzamento de 83.454,89 euros, executábase un proxecto de mellora de camiños rurais, enmarcado no Plan Marco de mellora de camiños de titularidade municipal 2014-2015, financiado co Fondo Europeo Agrícola de Desenvolvemento Rural (FEADER). Este proxecto “significou a mellora nun total de 17 Km da rede municipal de camiños agrícolas da concentración parcelaria e outros camiños de acceso. Un total de 24 camiños nos pobos de Laioso, Bréixome de Arriba, Bréixome de Abaixo, A Venda, Toxediño, Outeiro, Parada, O Vieiro, A Ponte, O Mosqueiro, Castelaus, As Casas da Veiga e Vilar de Santos. Con obras de nivelación e acondicionamento das pistas con zahorra e posterior limpeza de cunetas para evitar os encharcamentos e desbordamentos”, sinala o rexidor.

Ao mesmo tempo, na zona de Rede Natura do concello investironse 6.269,97euros “nun km máis de camiños nunha actuación dirixida á mellora da paisaxe agraria coa limpeza e restauración das pistas de acceso ás fincas desta zona do río Limia”, engade Jardón.

Ademais estas actuacións súmanse ao arranxo e mellora de 19 km de camiños feitos o ano pasado 2014. “Con este programa bianual de mellora, quedaron reparados e renovados 37 Km de camiños, practicamente a totalidade da rede municipal de camiños agrícolas fundamentais para facilitar o tránsito e o acceso ás fincas, granxas e outras instalacións pero tamén para tratar de previr os efectos negativos do encharcamento de auga nos camiños e nas terras de cultivo e manter a actividade e dinamismo no sector agrogandeiro, estratéxico para o concello”, subliña o alcalde de Vilar de Santos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close