Será a partires das once da mañá do día 17 de maio na praza desta localidade
A praza do pobo de Vilariño do Conso acollerá o vindeiro 17 de maio unha serie de actos para conmemorar a celebración das Letras Galegas, dedicadas este ano ao poeta chairego Manuel María. Así, entre as propostas que organizará o Concello, figuran a lectura de poemas, contacontos e xogos populares. O programa desenvolverase entre as 11:00 e as 13:00 horas.
Ademais, na véspera desta festa literaria, o 16 de maio, está previsto un taller de lectura de 11:00 horas a 13:00 horas, na Biblioteca do Concello de Vilariño de Conso.