Xunta a imaxe de dous Boteiros, pura tradición do Entroido do oriente ourensán, coa dun moderno selfie. O Entroido de Vilariño de Conso vén de presentar o seu cartel para este ano 2017. Esta ancestral celebración, que terá lugar do 16 de febreiro ao 1 de marzo neste municipio, incluirá ademais a XXVIII Festa do Cabrito no Domingo de Entroido, día 26 de febreiro.
As entradas deste xantar popular xa se poden mercar de forma anticipada ata o 23 de febreiro a un prezo de 15 euros. Tamén se poderán adquirir a partir do 24 de febreiro, pero xa será a un prezo de 20 euros. O menú incluirá empanada, chourizos, pan, cabrito e bica, ademais de bebida e chupitos.
O Entroido de Vilariño de Conso, que promove a Asociación Xuntos polo Fulión e o Concello, está declarada Festa de Interese Turístico de Galicia.
