ConcellosGalerías de fotosÚltima hora

Vilariño de Conso, entre o ritmo dos folións e os saltos dos Boteiros

A vila acollía no mediodía do Domingo Gordo un desfile coa presenza de dez folións do concello, pero tamén doutras zonas próximas como a comarca trivesa e A Gudiña

Os Boteiros e o toque propio do folión de Vilariño de Conso abría o desfile do Domingo Gordo nesta vila. O percorrido partía dende o Toural e, tras percorrer a praza, continuaba ata as proximidades do CEIP San Martiño. Nesta ocasión participaban unha decena de folións, a metade deles do propio concello. Así, ademais do de Vilariño soaban os ritmos de bombos e aixadas dos folións do Val, Conso-San Cristovo-A Veiguiña, Chaguazoso e Mormentelos. Este último caracterízase por ter un toque complementamente diferente e tamén pola singular indumentaria e danza dos seus Boteiros.

Ademais, desfilaban os folións A Caniceira, As Maceiras e A Lardeira (os tres de Trives), o folión de Carracedo da Serra (A Gudiña) e do de Queixa. O desfile pechábase con varias parellas de bois. Tras o atroador son dos folións, que cesaba a partires das dúas e media da tarde, comezaba o XXIX Xantar do Cabrito, que reunía a un milleiro de persoas no pavillón polideportivo da localidade. Foi servido por Mantesil.

Os actos do Entroido de Vilariño de Conso, cuxa organización está en mans da Asociación Xuntos polo Fulión e do Concello, continuarán o martes coa queima dos lardeiros e coa última ronda do fulión.

Fotos: Ángeles Rodríguez

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close