EconomíaEconomíaÚltima horaViticultura

Viño, románico e música polas denominacións ourensás

Conclúe o programa “Simposiums Musicais en Terras de Viño” tras percorrer a provincia
Participantes no “Simposium Musical en Terras de Viño” realizado na D.O. Valdeorras./ Foto: Carlos G. Hervella.
Participantes no “Simposium Musical en Terras de Viño” realizado na D.O. Valdeorras./ Foto: Carlos G. Hervella.

En terras da Denominación de Orixe Monterrei completárase o programa “Simposiums Musicais en Terras de Viño”. Trátase dunha iniciativa que marida o mundo do viño coa arte románica e coa músicae e que está promovida pola Fundación Vicente Risco en colaboración coa Asociación O Sorriso de Daniel e co patrocinio da Deputación de Ourense.

Esta derradeira saída terá lugar o 24 de outubro e incluirá un percorrido polas igrexas do Castelo de Monterrei e de Mixós, un concerto de frautas e unha visita á adega Gargalo.

“Simposiums Musicais en Terras de Viño” botaba a andar o pasado 29 de agosto en Valdeorras cunha visita á igrexa de Xagoaza (O Barco), con catas e cun concerto do Dúo Bolboreta na adega ruesa Joaquín Rebolledo. En setembro, o programa achegábase ata a Ribeira Sacra, pasando por San Paio de Abeleda e cunha cata en Ponte da Boga. Ademais podía desfrutarse da música de Ensemble Hotteterre. Logo tiña lugar unha visita á D.O. Ribeiro o día 3 de outubro e agora o calendario de saídas conclúe en Monterrei.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close