Cunha cata extraordinaria do programa Enocións by Ribeiro concluía o “Fairway, I Forum do Camiño de Santiago” o 18 de outubro no Museo Centro Gaiás da Cidade da Cultura, en Santiago. A cata, dirixida polo sumiller Luis Paadín, contaba con tres referencias da Denominación de Orixe Ribeiro que pertencían ás adegas Alanís, Cunqueiro e Ramón do Casar. A degustación completábase coa actuación do Coro da Rá.
Os viños da D.O. Ribeiro tamén estiveron presentes en Compostela no programa paralelo “Con queixo, pan e viño ándase o Camiño”, que consistía nunha serie de catas no espazo enocultural Vide Vide!, así como na iniciativa “Camiño do Viño”, unha velada que reuniu viños vencellados ás rutas de peregrinación a Compostela con petiscos e que se desenvolvía na Capela do Parador Hostal dous Reis Católicos.
“Dentro do seu plan estratéxico o C.R.D.O. Ribeiro continúa o seu planeamento de accións acordes á historia, a profesionalidade na xestión, a busca da excelencia na calidade, e a potenciación da marca, unha das mais recoñecidas de España”, adiantan dende este consello regulador.