ConcellosGalerías de fotosÚltima hora

Visita da directora xeral de Administración Local ao Barco

Marta Fernández-Tapias, acompañada polo alcalde da localidade, Alfredo García, vía as actuacións levadas a cabo na vila en mellora de eficiencia enerxética e na contorna da igrexa de San Mauro

Na mañá do 19 de xaneiro a directora xeral de Administración Local, Marta Fernández-Tapias, acompañada polo alcalde do Barco, Alfredo García, visitaba nesta localidade as actuacións levadas a cabo ao abeiro das axudas da Vicepresidencia.

Fernández-Tapias destacaba a colaboración entre a Administración autonómica e o Concello do Barco, indicando que “cando dúas administracións traballan conxuntamente os mellores beneficiarios son os veciños dos concellos”. Tamén lembraba que grazas á Orde do Fondo de Compensación Ambiental leváronse a cabo melloras da eficiencia enerxética en varias rúas do concello ourensán por importe de preto de 30.000 euros, entre elas a zona do Paseo do Malecón.

Logo achegábase ata a contorna da igrexa de San Mauro, na que se realizou unha intervención de mellora por valor de 12.600 euros. Ademais, o Concello do Barco conta cunha axuda de máis de 10.000 euros para o financiamento do Grupo de Emerxencias Supramunicipal.

A directora xeral de Administración Local recordaba que as convocatorias do Fondo de Compensación Ambiental e da Orde de Infraestruturas para este ano, foron publicadas no Diario Oficial de Galicia fai 2 semanas e que os concellos que así o precisen están en prazo para poder solicitalas. Ambas axudas do Goberno galego superan os 13 millóns de euros.

Neste senso, o alcalde do Barco, Alfredo García apuntaba que este Concello “está estudando o proxecto que vai presentar este ano” de cara a esas liñas de axuda.

Fotos: Carlos G. Hervella, agás a última da galería que é cedida.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close