Forma parte do programa de actividades culturais que organiza neste verán a Oficina de Turismo trivesa
Continúan as propostas enoturísticas no verán de Trives. O vindeiro venres 17 de agosto chega outra nova visita guiada organizada dende a Oficina de Turismo da vila. Desta volta os asistentes poderán coñecer a Adega da Corga e catar os seus viños. “Seguimos dando a coñecer os caldos da noza zona e así intentar poñer en valor cada día máis a nosa identidade”, adiantan dende o Concello de Trives.
O punto de encontro dos participantes será a Oficina de Turismo, no Edificio Santa Leonor. Dende alí partirase á Adega da Corga ás 11:30 da mañá. Para máis información e para anotarse as persoas interesadas deben dirixirse á oficina de turismo (988 330967).