Coñecer os pazos de turismo é unha das propostas que lanza neste verán o servizo de Turismo do Concello de A Pobra de Trives. Así para o vindeiro 13 de xullo está prevista unha visita guiada ao Pazo da Pena, en Rozavales (Manzaneda). A saída será ás 11:30 h. dende a Oficina de Turismo (Colexio Santa Leonor).
“Coñeceremos as dependecias do Pazo tanto no edificio principal coma nos anexos, e ao remate desta cita haberá no propio Pazo da Pena unha consumición e aperitivo para o público participante nesta xornada”, adiantan dende a organización. O prezo desta visita guiada é de 5€ / persoa.
As persoas interesadas en ampliar información ou en anotarse poden dirixirse á Oficina de Turismo de A Pobra de Trives (988 33 09 67).
