Dobre sesión de fútbol base se celebraba na tarde deste sábado 8 de maio no Estadio Municipal de Calabagueiros, no Barco de Valdeorras.
O primeiro partido, que comezaba ás 16 horas entre os xuvenís do CD Barco e do Pabellón Ourense CF resolvíase cunha contundente vitoria para o locais que ganaban 5-0, mantendo o liderato no seu grupo en primeira xuvenil Galicia.
A continuación saltaba ao terreo de xogo o equipo cadete do Centro de Deportes Barco, adestrado por Juanito Bazo, para disputar o seu partido contra os veciños do CD Rúa. Un encontro dominado polo conxunto amarelo que se adiantaba no marcador no minuto 38, tras varios intentos, co gol de Rubén Darío. O segundo tanto do encontro, de novo para os rueses, chegaba xa na segunda metade, no minuto 50, da man de Berto Fernández que volvía marcar no 65′ poñendo o 0-3 no macador.
Os barquenses recurtaban distancia co gol de Javier Fernández no minuto 70, pero xa non volvían marcar, rematando o encontro co 1-3 e os tres puntos para os rapaces de Luis Mª Ferrer, que ratifican o seu liderato en primeira cadete Galicia.
Fotos: Mónica G. Bellver.