Con moito agarimo e co fin de mandar unha mensaxe de ánimo e esperanza, o investigador vianés Carlos X. Ares Pérez realizaba este vídeo con diversas imaxes de lugares, celebracións e costumes do seu concello e que compartía a través das súas redes sociais.
“A música de fondo é un canto de seitura ourensán recollido no Pereiro (A Mezquita), do cancioneiro popular galego de Dorothé Schubarth. As voces son do grupo Escaravellos”, explica Ares. Con el espera contribuír a axudar a que pase este tempo de confinamento, uns días nos que “parece que os reloxos quedaron parados”.
