ConcellosÚltima hora

Voluntarias de Viana fan mascarillas para repartir en residencias de anciáns e comercios

Coseron xa unhas 350 e continúan nesta tarefa solidaria para "tratar de contribuír a mellorar esta situación"

 

Dende hai uns días un grupo de nove voluntarias de Viana do Bolo (Chuchi, Conchi, Minda, Mari, Pura, Yoli, Marian, Margarita e Cristina) están facendo mascarillas nas súas casas para repartir nas residencias da terceira idade desta zona e de comarcas próximas, así como en establecementos comerciais.

Todo comezaba cando a unha delas, Cristina Fernández, un amigo lle plantexa a falta deste tipo de material. Entón ela, xunto con outras oito voluntarias, púxose mans a obra e ata o día de hoxe levan xa feito unhas 350, que teñen sido distribuídas nas residencias da terceira idade de Larouco, Viana do Bolo, A Veiga, Manzaneda, no Barco…

 

“Ademais enviámoslle un paquete a un amigo meu de Menorca e tamén se mandaron a Madrid. Ademais estámolas repartindo polos comercios, en Correos, a todo aquel que as necesite”, explica esta voluntaria vianesa, para quen “o importante é facer algo para manternos ocupados e, ao mesmo tempo, axudar á xente e transmitir un pouco de espírito positivo nestes momentos nos que a xente ten a moral un pouco baixa”, comenta Cristina, quen agradece de xeito especial o apoio do seu “equipo de costureiras, que levan moitas horas cosendo e ás que lles dou mil grazas”, resalta.

 

 

Estas voluntarias, que continúan volcadas nesta iniciativa solidaria, contan co apoio do Concello de Viana, que lles doou o biés para as tiras das mascarillas. “Nós seguimos producindo mascarillas para tratar de contribuír a mellorar esta situación”, insiste Cristina.

Nestas imaxes pode verse a algunha das voluntarias traballando e algunhas das persoas que levan as súas mascarillas.

Fotos cedidas.

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close