Dende o 2 de maio está de novo aberta a Oficina de Turismo Valdeorras-A Rúa e na vindeira semana comezan as actividades de verán. E fano cun novo capítulo de “Paseos con historia”, centrado nesta ocasión na Igrexa de Santo Estevo, na Rúa Vella.
De aí saíra o vindeiro domingo 22 de maio ás 11 horas a andaina na que os guias contarán aos asistentes relatos da Rúa Vella. “Falaremos da igrexa e das historias descoñecidas dalgúns personaxes que foron importantes na Rúa”, adiantan dende a oficina de turismo, engadindo que igual que nas anteriores saídas, rematarán o pasei catando viños, desta volta de Adega Aristegui.