A falta de pouco menos dun mes para que as Festas de Ourense 2017 dean comezo, os cidadáns da capital das Burgas van ter a oportunidade de decidir cal vai ser o cartel que encabece a programación das actividades previstas.
O pasado 20 de maio rematou o concurso de carteis para as Festas de Ourense convocado polo Concello. Tras recibir un total de 16 propostas, o xurado seleccionou cinco dos traballos presentados. Agora, estes carteis elixidos poderanse votar entre mañá mércores, 31 de maio, e o domingo 4 de xuño. O cartel máis votado será o gañador, pasando a ser a imaxe de referncia das Festas de Ourense 2017. O premiado recibirá unha dotación de 1.000 euros para o autor.
Dende o concello informan que o xurado valorou o conxunto de propostas presentadas tendo en conta a adecuación da temática, a orixinalidade e a calidade artística. De entre os traballos recibidos, os cinco seleccionados exporanse ao público para que o poidan votar.
A ligazón para as votacións é: www.ourensecultura.com/concursos.
Máis ifnromación sobre o programa das Festas de Ourense 2017 na edición impresa de “O Sil” de xuño.
