PolíticaÚltima hora

Xa se pode solicitar o voto por correo para as eleccións xerais do 10 de novembro

O prazo estará aberto ata o vindeiro 31 de outubro, segundo informa Correos

Exterior dunha oficina de correos.

As persoas que teñan pensado votar por correo nas vindeiras eleccións xerais do 10 de novembro poderán solicitar dende este martes 24 de setembro e ata o vindeiro 31 de outubro (incluído) o certificado da súa inscrición no censo electoral en calquera oficina de correos durante o seu horario habitual de apertura. “A obtención deste certificado é requisito imprescindible para poder emitir o voto por correspondencia”, segundo se informa dende Correos.

Esta solicitude deberá ser presentada persoalmente por cada elector (agás no caso de enfermidade ou discapacidade, que deberá ser acreditada). No momento de formular esa solicitude os interesados teñen que acreditar a súa personalidade presentando na oficina postal o DNI, pasaporte ou carné de conducir orixinais, tal e como se indica dende Correos, que entregará as solicitudes recibidas nas delegacións provinciais da oficina do censo electoral correspondente.

 

 

Artigos relacionados

Back to top button