Xantar baixa o pano da edición máis internacional

No seu 20 aniversario superou as cifras de participación de expositores, actividades e visitas

Despois de cinco días, 283 expositores, 12 países representados e máis de 24.000 visitas, a 20 edición de Xantar, o Salón Internacional de Turismo Gastronómico pecha hoxe as portas en Expourense.

E faio despois de desenvolver un programa de actividades con máis de 200 experiencias gastronómicas cun seguemento do 100% estando ao completo en cada actividade as tres aulas gastronómicas así como a de cata. Segundo os datos da organización, cun promedio de catro actividades por hora de duración do salón, estas experiencias foron seguidas por máis de 7.000 participantes, a maioría profesionais do sector. Entre as actividades destacan as exhibicións de cociña en directo de recoñecidos chefs de Galicia, Portugal, Panamá, Costa Rica, México, Perú, Brasil e Colombia; así como as máis de 25 catas comentadas de produtos como viño, licores, queixo, mel, ron ou café; e as máis de 50 degustacións ofrecidas polos expositores como as de rosca con queiso e viño de Amandi de Sober, a do Botelo do Barco de Valdeorras ou o xamón da Cañiza, por citar algunhas das organizadas para o día da clausura, adicado ao Medio Rural.

O acto oficial estivo presidido polo conselleiro José González, quen destacou o “papel de Xantar como dinamizador económico e impulsor dos sectores agroalimentario e turístico que constitúe una oportunidade magnífica para dar a coñecer o mellor da nosa terra”. O conselleiro foi o encargado de pechar o turno de intervencións que abría o alcalde de Sober, Luis F. Guitián , seguido do de Maceda Rubén Quintás, do de Arnoia Rogelio Martínez, da concelleira de Turismo do Barco de Valdeorras Irene Dacal, do representante do pais brasileño convidado nesta edición, e o alcalde de Ourense Jesús Vázquez.

 

A alcaldesa de Castro Caldelas Sara Inés Vega e a representante do Patronato de Turismo de Zamora Mª Jesús Cabezas, no stand da Pobra de Trives.

 

Esta última xornada de Xantar tamén foi o día dedicado aos concellos de Arnoia, Sober, O Barco de Valdeorras e Maceda. Todos os representantes municipais presentes coincidiron en reivindicar o lugar que lle corresponde ao turismo rural e de interior en Galicia.

A clausura desta 20 edición incluíu ademais unha sentida e emotiva homenaxe póstuma ao empresario José Manuel Pérez Canal, que sempre apoiao a Xantar “tanto desde o seu papel como coxerente de Aceites Abril, empresa patrocinadora do salón; como no seu papel como presidente da CEO e membro do Patronato de Expourense”. Estiveron presentes a nai, a viúva e os fillos do falecido.

Tralo acto institucional, as autoridades percorreron o salón degustando entre outros, os produtos de Sober e do Barco de Valdeorras. Ao longo destes cinco días estiveron presentes temén outros concellos da provincia de Ourense, entre eles os da Veiga, Viana do Bolo, Vilariño de Conso, Castro Caldelas e A Pobra de Trives quen ademais dos seus produtos (bica, embutidos, viño e mel) amosou o traballo do Periódico O Sil (edición mensual e revista Entroido en Galicia).

 

Exemplares do Periódico O Sil e da revista Entroido en Galicia de O Sil no stand de Trives.

Fotos: Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies