Os actos, organizados pola Asociación Cultural A Rebusca en colaboración co Concello de Manzaneda, terán lugar ao longo do día 17 de maio
Cunha xornada festiva de convivencia arredor da lingua e da tradición galega festexarase en Manzaneda o Día das Letras Galegas. Así, o programa do vindeiro 17 de maio comezará cunha comida popular. As persoas interesadas poderán anotarse no Pendón antes do mércores día 16 de maio.
Durante a tarde desenvolveranse obradoiros infantís e, despois, chegará o teatro. Brais das Hortas porá en escena no local da Rebusca a peza “O avó sae da maleta”. Estes actos das Letras Galegas serán organizados pola Asociación Cultural A Rebusca en colaboración co Concello de Manzaneda.