Xantar popular para presentar o grupo parlametario do BNG

Reunía a máis de medio millar de persoas no parque compostelán de Belvís o 15 de outubro

“O motor do cambio, da corrente de simpatía e entusiasmo que abrimos ao noso redor é o resultado de cada militante que colgou bandeirolas, de quen repartiu panfletos, do noso labor nos concellos, nas deputacións, coas que cada día demostramos con feitos que o BNG é un proxecto con ideas e principios capaces de facer que Galiza avance e progrese”. A portavoz nacional do BNG, Ana Pontón, dirixía estas palabras de recoñecemento á militancia nun xantar popular que se celebraba no mediodía do 15 de outubro no parque de Belvís, en Santiago de Compostela. Este acto servía para expresar o agradecemento da formación e tamén para presentar aos membros do grupo parlamentario nacionalista na décima lexislatura da Cámara galega. Entre eles está a ourensá Noa Presas.

Pontón sinalaba que o BNG vai apostar desde o Parlamento e desde a rúa por liderar a alternativa de cambio ao PP e a Feijóo en catro anos. “Estamos traballando desde xa para liderar a alternativa que sitúe ao Bloque como referencia do cambio que máis cedo que tarde vai producirse na Galiza. Traballaremos para emerxer dentro de catro anos con máis forza e situarnos como a alternativa que derrote á dereita e ao centralismo, e abra un novo ciclo para o país”.

Apuntaba asemade que os resultados do 25 de setembro “son un paso adiante para a consolidación do proxecto nacionalista, vento nas nosas velas que nos ten que permitir avanzar cara o noso obxectivo: unha Galiza dona do seu futuro, próspera, con igualdade, liberdade e vida digna”. Por iso, o empeño do BNG “en seguir traballando para romper co centralismo e a sumisión e poñer en marcha unha alianza galega en defensa dun novo marco que garanta traballo digno, servizos públicos e o fin da emigración forzosa”.

Entre as prioridasdes da formación nacionalista figuran avanzar nun novo estatus para Galiza co control dos propios recursos e evitar recortes en educación, en sanidade. A súa intervención ante a militancia foi precedida das palabras dos deputados electos Montse Prado, Olalla Rodil, Noa Presas, Xosé Luís Rivas e Luís Bará. A este xantar asistían máis de medio millar de persoas. Entre elas había unha representación do BNG de Valdeorras.

Fotos cedidas.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies