OurenseÚltima hora

Xantar preséntase en FITUR como “a única feira internacional de turismo gastronómico acreditada da Península Ibérica”

Esta cita (5-9 de febreiro) apoiará a candidatura da Ribeira Sacra a Patrimonio da UNESCO e presentará máis de 150 experiencias entre as que destacan os "showcookings" de chefs de 5 países

 

Como “a única feira internacional de turismo gastronómico de España e unha das catro de turismo do país”, se presentaba en FITUR (Madrid) a 21 edición de Xantar, o Salón que se celebrará en Expourense entre o 5 e o 9 de febreiro, cun completo programa de actividades e unha ampla oferta en restauración.

A presentación de Xantar 2020 contou coa asistencia da directora da Axencia de Turismo de Galicia, Nava Castro; do vicepresidente executivo de Expourense e tenente alcalde de Ourense, Jorge Pumar; do presidente da Entidade de Turismo Porto e Norte, Luis Pedro Martins; dopresidente do Clúster de Turismo de Galicia, Cesáreo González; da embaixadora de Costa Rica en España, Helena Ccohacón; da representante de FEMULP de Perú, Giovanna Cheglio; e da delegada territorial da Xunta en Ourense, Marisol Díaz. Todos coincidiron en destacar o papel da gastronomía “como motivación turística e como a mellor ferramenta para promocionar a calidade e sostibilidade dun destino”.

Nesta edición de Xantar está confirmada a presenza de delegacións de países como México, Costa Rica, Colombia o Perú. No que respecta ás actividades, reunirá a recoñecidos chefs de 5 países que impartirán obradoiros de cociña en directo enmarcados no XV Encontro Internacional de Gastronomía Saudable e Sostible que ofrecerá ao público máis de 150 experiencias.

Outra das grandes novidades este ano será a promoción internacional da Ribeira Sacra e o apoio á candidatura de esta a ser incluída como Patrimonio Mundial de la UNESCO en 2021. Contará cun stand promocional do Consorcio de Turismo e de varios concellos desta zona, cun restaurante liderado por Parada de Sil e coa preseza do C.R.D.O. Ribeira Sacra.

Para consultar a programación de Xantar 2020 e os menús: https://xantar.org/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close